لآ جـيت آدور في وصوفك معآنـي. .غآرن من آوصآفك صبآيآ بيروت :$

ياغصن وردٍ من وروده يعاني
رويان مايل مابعد صار محتوت
ياسيدة كل الانوثه تراني
احبك وحبك على القلب منحوت
لو قلت عمري لك ترى العمر فاني
ياويش اقدم وانت لولو وياقوت
لا جيت ادور في وصوفك معاني
غارن من اوصافك صبايا ببيروت
واللي في قلبي لك يقوله لساني
احبك وقلبي معك حيل مبخوت

قالواتحب وقلت مخلص بحبي

أخلص كمأخلص بالعهدوالوصاتي

ما هو علي ماقيل صفقت مهبي

ساعات ونهي كل شي بحياتي

حرام غيرك بالحشاء مايطبي

قالوا غرور وقلت هذي مناتي

حلفت لك حلف المحلف بربي

غيرك ماسولف مع جميع البناتي

ياعلةالخافق وياسر طبي

يا مشغلتني في فروض الصلاتي

الظاهرإني في لقاك متنبي

محدٍ قبل هذي يسوي سواتي

معاد لي بالكون شغلٍ ونبي

الاأنت يافايز بكل الصفاتي

ماني بحبك يالعنود متغبي

خل البشر تسمع بكل الجهاتي

غلاك لي مده طويله لعبي

وصوتك وشوف عيونك الناعساتي

ياعين قرناسٍ بحوران ربي

باقصى الشمال ويم نهر الفراتي

اشقر ليامنه علي الطلع ذبي

خلا الوقوع وعانق الطايراتي

ياللي علي سرق القلوب متربي

حلمي معك وأنت أجمل الذكرياتي

يوم أشتمت وألوم حظي وأسبي

بلاي بعد ديارك النازحاتي

اليازهمتك بالتليفون لبي

صوتك يحركك كل فكري وذاتي

سوالفٍ مابين هاتي وكبي

ويكفي عن التعبيرهمس الشفاتي

قولي ترى قلب العنى مشرهبي

تنعش عروقٍ بالحشى يابساتي

ويرتاح صدرٍ بالهموم امتعبي

فكي حصون ابوابه المقفلاتي

بأسلوبك أطفي ناره اللي تشبي

عوضيه باقي ايامه المقبلاتي

ياغلى بشرعلي الملى مانخبي

مستقبلي وأنتي ومافات فاتي








مــخــــرج








لجلك جنون الحب فيني بعينه


حبك مثل حب العرب للهماليل


احب حتى كل شيٍ تبينه


حتى ولو مابيه قلبي له يميل


انتي مثل دره بوسط الخزينه


حرام فيك العين تنظر من ابخيل


مابه بشر مثلك واذا فيه وينه


شعرة رموشك رجحت كفت الكيل


يفداك قلبي وانتي اغلى ضنينه


لا تتركين القلب عايش على ويل


من دونك همومي تشيل السفينه


امواج فوق امواج ماهي تساهيل